Akpabio Don Enta One Chans

Godswill-Akpabio1-702x336

Oga kpatakpata fo Akwa Ibom bifo an na im be minoriti lida for pipul wey dey Nigeria senate, Obong Godswill Akpabio, don enta one chans as pipul wey get pawa to kweshon pesin wey dem tink konar moni wey no be im own don kul am to kweshon am wel wel.

Eyez wey dey cee tins for ples wey far tok sey e don tey di EFCC pipul dey luk onda di kapet for tins dis oga bifo swep put onda, an tok sey dem kpichikum am yestadey eveni fo Abuja.

Dem no fit rich di maut wey dey tok fo EFCC, wey be Mista Wilson Uwujaren fo rin rin to no weda na tru tok sey dem kpichikum di foma govano. Wod wey fly enta ear from pipul wey dey folo EFCC wok tok sey dem kpichikum di oga- bifo bikos dem biliv sey dis man be konar plenti moni wey rich #108.1 billions di taim im bi Govano fo Akwa Ibom.

Na one lawya wey liv for Abuja, Leo Ekpeyong ben rait Petishon giv Presdent Muhammadu Buhari an EFCC, sey mek dem luk onda kapet for di tins wey di oga bifo hyd onda. Im tok sey dis oga ben kolabo al di moni wey Akwa Ibom pipul get.

Pesin wey dey hep di Govano bifo, Jackson Udom, deni kpatakpata sey dem ares di oga bot tok sey im oga yuz im leg waka go dia to ansa kweshons for di moni wey dem tok sey im kolabo.

Di oga boi boi tok sey e gud mek pipul no wetin defren from wen dem invit an wen dem ares bikos pipul wey hiea d mata fit kofus

Related posts

2 thoughts on “Akpabio Don Enta One Chans

  1. Hello just wanted to give you a quick heads up.
    The words in your content seem to be running off the screen in Opera.
    I’m not sure if this is a format issue or something to do with internet browser compatibility but I figured I’d post to let you know.
    The style and design look great though! Hope you get the
    issue fixed soon. Many thanks

  2. I really like reading through a post that can make people
    think. Also, thanks for permitting me to comment!

Leave a Comment