CHARLIE SHEEN TOK SEY HIM GET HIV.

Charlie Sheen

American actor, wey dey tek Charlie Sheen no don waka kom tel de wold sey him get HIV. No be clear eye him yuz kom do dis wan ooo. Him tok sey pipul don dey kolet money from am tey tey mek dem fit klos mouth bikos him be no wan mek pipul no sey him get dis kind sickness.

Na wan girl wey dey sel sex waka abaut go enta him bathroom go snap snap him medicine wey him dey swalo for di sickness, an kom dey ask am for money to klos mouth.

Charlie Sheen tok sey him don dey pay pay money an e don enta millions wey him pay pipul to kova han for mouth but him don tire to pay na im mek him kom tel pipul mek dem fit no.

Him sey e no posibule to giv odas dis disease bikos him dey tel pipul wey dey sel sex sey him get HIV an him dey yuz condom do di tin.

E vex wel wel for dis plenti money wey him don pay. Him tok sey di pipul wey dey kolet di money dey kolet him children and grand-children money and sey e no gud.

Related posts

One thought on “CHARLIE SHEEN TOK SEY HIM GET HIV.

  1. Right now it looks like WordPress is the top blogging platform out there
    right now. (from what I’ve read) Is that what you’re using
    on your blog?

Leave a Comment