Kasala don burst for Bees Restaurant wey dey Ireri Akari Estate for Isolo area, Lagos, as customers wey come buy food turn the restaurant to boxing ring and restlemenia, wey come mek one person die.
Eye wey sabi see well well for Punch News tok sey one person die on top the mata, bicos them yuz bottle sama for inside him chest.
The mata wey we dey yarn so ooo hapun for Sunday around 8.30pm, wen customers come buy sometin for the restaurant.
As customers dey buy and chop na so the man wey die so oo and another customer come dey vex for each other. One dey para, another one dey provoke, no do no do, na so fight come start, before pipo know wetin hapun the fight don dey serious wey mek one of them yuz bottle sama inside the man chest wey mek am die, others too wey follow fight, dem get plenti injuries.
Eye wey dey see for Punch News tok sey Polis tok sey dem neva fit know wetin cos the fight, but dem tok sey e be like sey some of the customers dem been drink plenti alcohol.
Him tok sey, “Anti-crime patrol policemen mobilised to the scene and a man was seen lying down in a pool of blood. He was subsequently rushed to hospital, where he died.”
The Public Relations Officer, for Lagos SP Dolapo Badmos, yarn sey she sef no about the mata, and that Polis dey follow up on the mata.
She sey, “The owner of the bar is undergoing interrogation with the command. Although he denied that the fracas happened inside his bar, the police are investigating to find out what actually transpired.”