Manchester United don collect another 3 goals and manage to put one back, as Ighalo, Success and Watford hapi well well for Sunday Match wey dem play with Mourinho Boys.
Etienne Capoue na him first score for Watford before Marcus Rashford come give Mourinho hope small. But by the end of the day no be better hope that one be because wetin come follow later na the kind thing wey oyibo people dey call “thrashing”.
The final goal come for last minute when Success who dem bring to change Ighalo, scatter the back yard of Manchester United with Magical dribble and enta inside the penarity box, which make Manchester United Defence to knack Juan Camilo Zuniga down inside box.
This na the first time Mourinho go collect defeat like this since 2002 wen him be coach for Porto. Now Manchester United dey follow other teams for back, for the Premier league table, as Manchester City dey for number one with 15 points.
“We started the season very well and had good results,” said Mourinho.
“I feel the first moment we had a defeat, a difficult situation, some of the boys are having a bit of difficulty coping with the negativity.”