Man wey don go prison seven times, commit crime again

oyewunmi

Tori wey dey shele now oo be sey, one Mr. Emmanuel Oyewunmi, don enter the wahala of Rapid Response Squad pipo for Lagos State Police Command bicos him steal from one driver and passenger.

The bros na baba for stealing, bicos im name even dey for the black book of RRS pipo. Dem dey find am since bicos im steal phone from one Mrs. Adesewa Oni, for Alausa area Lagos State. RSS catch the 41 years old  bros for near Ojodu Berger bus stop on Friday, wen him dey do im normal patrol and steal job.

 

Tori wey dey waka for air show sey Oyewunmi, Ondo State indigene, been dey do park keeper job for outside Ikeja Shopping Mall, wen Oni drive him motor enta there bicos im won attend one party  for Adeyemi Bero Auditorium.

 

Wen the party finish, as im won go, Oyewunmi tell am sey him go pay N200 bicos of parking. Oni come tell am sey mek e no worry, sey na N1000 him go give, but mek im follow am go ATM mek he give am the money.

 

As dem reach the Bank, wen Oni dey busy dey collect the money from ATM, Oyewunmi come steal im phone. Mouth wey follow Punch Metro yan tok sey na so e tek hapun.

Wen Oni comot for bank, come give am the money, e no reach 5 minutes im come dey find im phone, but she no see am.

She sey, “I had driven five minutes away from Ikeja when I felt the urge to make some calls. It was then I realised that my Samsung Galaxy S4 was missing. Quickly, my mind went to him and I realised my folly. How could I have left a total stranger in my car alone, leaving documents and valuable items in the car with him? I traced him back to that spot, but he was gone.”

 

Oni tok sey she go report the mata for RRS  office, wey come mek dem dey find Oyewunmi evri where.

 

But water pass garri for Oyewunmi, wen dem catch am for Friday wen im thief N600 and one phone from one bus driver and one passenger for Ojodu Berger area.

 

Wen RSS ask am whether him thief Oni phone him tok sey na true and that him do am wen Oni go collect money for ATM.

 

Him tok sey the reason why im dey thief thief any how, na too much  igbo wey im dey drink, plus on top sey him wife and papa and mama don leave am.

 

Him yan sey, “As soon as I got the woman’s phone, I went to Ipodo in Ikeja to get hard drugs. The hard drugs dealer bought the phone from me at N8,000.

 

“Hard drugs have destroyed my life. They were the cause of my rejection by my wife and my father. I got hooked on drugs while I was young and getting out of the addiction has been extremely difficult for me.

 

“Some faith-based non-governmental organisations have assisted me through rehabilitation in the past. I have, however, always gone back to the habit. Drug has been the predominant cause of my imprisonment. If I am imprisoned now, it will be my eighth time and third time this year.”

 

Oyewunmi agree sey him thief driver and passenger, but sey na too much igbo wey im drink cause am.

 

Public Relations Officer for Polis, SP Dolapo Badmos, tok sey na true true sey dem arrest the man. im beg Lagos pipo mek dem no dey yuz their hand put dem self for bad pipo wahala.

Related posts

One thought on “Man wey don go prison seven times, commit crime again

  1. You actually make it seem so easy together with your presentation but I
    in finding this matter to be actually something which I feel I would by no
    means understand. It sort of feels too complicated and extremely vast for
    me. I’m looking ahead to your next put up, I will
    try to get the dangle of it!

Leave a Comment