Tori wey dey jus enta now be sey Naija pipo no see money collect for Independence day holiday, Monday October 3rd.
Eye wey dey see for PidginNews tok sey for difren difren ATM locations pipo full ground like water bicos sey dem wan collect their money from bank mek them yuz am do joli joli.
Person wey follow PidginNews yarn on top the mata tok sey him waka from Iyana Oba reach Badagry mek him fit see money tek chop. Wen PidginNews ask am wetin hapun to the plenti plenti bank and ATM wey yakpa for Iyana Oba, him tok sey all of dem no gree work, na im mek am waka come Badagry come find money for bank.
As PidginNews tek see am, e be like say the tin start from Sunday night wen pipo don collect money from ATM finish, na im mek money no come dey for saturday.
Anoda pesin wey follow PidginNews yarn on top the mata, wey him name na James, tok sey “I had the opportunity to visit Badagry on Saturday night, but what I saw at different ATM locations wasn’t a good story to tell. There was so much crowd on different ATM points I went to collect money.
” Some people had to pay as much as #500 just to withdraw #2000 from their account. It doesn’t make sense.
“I think the banks should help people, their loyal customers reduce stress, instead of adding to the hardship. Next Independence day holiday or any other popular holiday they should make more money available, especially ATM locations where they have more customers.”
Another person wey follow PidginNews reason the mata for Kola bustop, Alagbado, Lagos, tok sey wen plenti pipo dey for ATM, e dey encourage bad pipo wey come pick pocket to carry the work well well. Him tok sey imgo like mek bank help pipo, mek dem put meni ATM for their bank.
Eye wey dey see for PidginNews, tok sey for some bank na only one ATM work, meni others no dey work, dem jus dey there for fancy.