Ogun State: Papa kill him Pikin

ilyasu-ahmed

Polis for Ogun State don arrest one 37-year-old man, Rasak Adekoya, for panel beating im 10-year-old son to death for Ago Iwoye area of Ogun State.

Eye wey sabi see for Punch News tok sey Polis don arrest Adekoya for Tuesday.

Anoda pesin tok sey bifor the boy die so ooo, im papa dey beat and torture am well well.

The bros tok sey some pipo for the community leaders don warn the man meni meni time mek im stop to dey beat im pikin any how, but the man no gree hear word.

Mouth wey dey tok for Ogun State Polis, ASP Abimbola Oyeyemi, yan sey the state Commissioner of Police, Ahmed Iliyasu, don give command sey mek dem carry the man go court.

Him tok sey “Members of the community, where the suspect lived, gave the police a tip-off. The community accused the man of subjecting the boy to excessive beating.

“Preliminary investigation revealed several marks on the body of the deceased boy as a result of series of torture from the suspect. The corpse has been deposited at St. Joseph Catholic Hospital Mortuary, Oke-Agbo, Ijebu Igbo.

“CP Iliyasu has ordered that the suspect be transferred to the Homicide Section of the Criminal Investigation and Intelligence Department, Abeokuta, for further investigation.”

Related posts

Leave a Comment