IPOB don tell evri bodi wey dey kontri naija sey dem must drain rain for September 23, to show sey dem no hapi for wetin naija govament dey do dem and their oga kpakpa Nnamdi Kanu.
The tori wey dey waka for air show sey this IPOB mata don mek Anglican Church Community for Awka, Anambra State, to tell dem plenti oga, Bishops, Reverend to pack their load komot for Awka kia kia bifor Friday.
As IPOB tek give their warning, everi bank, market, govament office and odas, for south east geopolitical zone go dey close for Friday, mek dem see road do wetin dem wan do.
Most Reverend, Nicholas of Anglican communion talk sey him church pipo tek God beg IPOB mek dem allow dem finish their church meeting for Friday bifor IPOB stat to draw rain. Him talk sey IPOB don already dey show sign sey wetin dey dia mind for September 23 na wetin dem wan do, and if dem do am, e no go good for Anglican Communion pipul, bicos na dat Friday dem wan finish their meeting wey dem dey do for Awka.
We no go go back
IPOB don talk am sey dem no go back for wetin dem plan to do for September 23, bicos govament no gree allow dem oga at the top to go home.
The Media and Publicity Secretary for Biafra, Mr. Emma Powerful, beat hand for chest tok sey dem must show sey dem dey vex on top annoyance. Him beg all im IPOB members and pipo wey support dem mek dem join hand togeda come out for Friday.