SAUDI MAN GO GO ‘JAIL’, STIL KOLET 30 KOBOKO.

Court wey dey Saudi don sen one man go jail bikos sey him pour spite for him wife face an slap am join. Di court tok sey no be onli to go jail for one wek but sey dem go flog di man 30 koboko bikos him do wetin no gud for him wife.

Dis man gree sey him slap him wife but sey him wife waka komot for haus an e no tel am. Sey im don dey do dis tin meni meni times so na im mek him vex, provoke join kom hama him wife.

Na di wife broda kary di mata go court bikos sey wetin dis man do him sister no gud at al at al.

Court kom tel him wife sey mek im dey tel im husband bifo im waka komot for haus mek katakata no kom dey for dem famili.

Pipul wey dey yuz internet wel wel tok sey wetin dis man do no gud an sey court do wel sen am go jail an di 30 koboko wey dem go giv am.

Related posts