Two soldiers, Lance Corporals Musa Maidabra and Edwin George, wey dey serve for 122D30 Regiment for Maiduguri, Borno State, don yuz their hand buy wahala, as dem follow help the pipo wey kidnap Central Bank Governor wife, Margaret Emefiele.
Emefiele and oda three pipo been enta one chance pipo hand for Benin-Agbor Road this two weeks wey jus pass and dem releas dem 24 hours after dem collect the money wey dem want.
Maidabra and George, tok sey the kidnap pipo give dem N13m bicos dem help the gang carry the moni go hide for Benin, wey be Edo State capital.
Oda pipo wey dey inside the mata na one soldier wey army pursue, Ernest Uduefe, Mohammed Abubakar, Mohammed Musa, Mohammed Sule, Ibrahim Abdullahi, Aliyu Musa and Mohammed Yusuf.
Maidabra sey, “We were not involved in the kidnapping; we only assisted them to transport the money to a location. We carried the money and ran away with it in a vehicle; it was part of my friend’s share that I collected. We didn’t know the money was from a kidnap operation.
George follow im friend tok sey dem no follow do kidnap, but sey dem only help the kidnap pipo carry the money go where dem sey mek dem tek am to.
“I was not involved in the kidnap; the money they gave me was over N6m. I asked about the source of the money, but they didn’t tell me,” him yan.
The Force Public Relations Officer, Donald Awunah, tok sey Polis see N14,725,000, two Honda Accord cars, one Audi car, one AK 47 magazine and two cartridges for the kidnap pipo hand.
The bros also tok sey the Jeep na N1.5m motor and dem see anoda N4m cash for Maidabra hand, while George Honda motor na N1.1m.
Awunah tok sey the Polis also get N7.7m for Musa hand, wey be part of im share of the N10m wey dem give am, and sey him carry bullet for body bicos im too stubborn, as e be sey im follow Polis dey drag wen dem wan arrest am.
See as im tok am, “Mohammed Sule confessed to have received N10m in cash as part of his share of the ransom paid and claimed a soldier and a gang leader escaped with the rest of the loot. Another suspect, Ibrahim Abdullahi, admitted to have received N10m in cash.
“The police will continue to limit the capacity of kidnappers and other criminals to disrupt the quality of life of Nigerians by the deployment of adequate manpower and resources in crime reduction, detection and prosecution of offenders.”
AS e be sey dem pay mony to save Emefiele wife, Oga for Polis tok sey dem do am bicos dem wan save the woman live, bicos dem no wan mek the kidnap pipo kpai the woman.
“It is absolutely important to mention that the police do not and will not encourage payment of ransom,” na Awunah tok so oo.