Water don pass garri: Poverty full brekete for Nigeria- Dangote


Oga kpatakpata for Dangote Group, Aliko Dangote, don yan sey water don pass garri oo for the kind poverty wey Naija pipo dey inside. Dangote tok sey more than 100 million pipo out of the out of the 187 million pipo dey swim, bath, and eat poverty.


The bros tell pipo wey been come for the Executive Course No. 38, 2016 of the National Institute for Policy and Strategic Studies, Kuru, for near Jos, Plateau State, that wetin im dey see for Naija poverty situation no dey sweet im belle, as e be sey Naija get plenti natural resources


“It is estimated that more than 100 million out of a population of 187 million Nigerians live below the poverty line.”


Dangote tok sey youth unemployment don plenti for Naija and the number don reach 42 per cent this year, and many graduates dey waka for street every day bicos of job.  Those wey get the job sef, pesin no fit tok sey dem get job bicos of their situation, as e be sey na chikini, small money dem dey collect every month as salary, on top sey na hard work dem dey do.


According to Dangote, this katakata wey dey for Naija no be joke mata oo, bicos e dey affect Naija security and pipo life.


“The spate of kidnappings, intermittent vandalism of petroleum pipelines in the Niger Delta, and the protracted insurgency in the North-East are all fuelled, to a large extent, by the high level of endemic poverty in the country,” as Dangote put am.


Dangote tok sey the economic wahala wey Naija pipo dey inside follow cause problem for Naija poverty wahala.


The bros even tok sey “Coupled with this, the activities of insurgents in the North-East have also affected the level of poverty in that part of the country. It is estimated that there are over 2.4 million Internally Displaced Persons in the region. It will take billions of naira to rebuild the North-East and fully re-settle the victims of the insurgency.”

Related posts

Leave a Comment