Manchester City player, Yaya Toure wey don carry African futbol of the year champion four times, don tok sey him no go pley futbol for international level again.
Uncle Toure wey don turn 33 years now yan sey e no easy for am to tok this kind tin for public, but as man wey im be him go tok am.
The bros don show for international futbol for 113 times, and 3 world cup finals. The bros tok sey the kind matches wey full brekete for im kontri dey mek him liva cut bicos them too plenti, and plus sey him now don dey old small small as e be sey na 33 years him dey now.
Mata wey dey waka for air dey show sey coach Pep Guardiola don beat hand for chest tok sey him no go yuz bros Toure for the games wey Manchester United go play until Toure agent Dimitri Seluk come beg am, bicos of wetin him waka go tell media pipul.